У свята Святой Сям’і, 30 снежня, дзеці парафіі св. Уладзіслава сыгралі ў батлейцы – традыцыйным спектаклі, у якім апавядаецца пра радасную падзею Нараджэння Божага Сына ў нашым свеце. Адметнай рысай сюжэту батлейкі было спалучэнне гістарычных абставінаў, пра якія даведваемся з Евангелля, і сённяшняй рэчаіснасці: героі сцвердзілі, што цяпер увесь свет – гэта яслі для Езуса, бо Ён хоча нарадзіцца паўсюль, дзе жывуць людзі; зорка, якая вядзе да ясляў – гэта Слова пра любоў Божую, што паказвае нам шлях да Збавіцеля.
Маляўнічыя строі юных акцёраў былі падрыхтаваныя супольным высілкам дарослых парафіянаў на чале з с. Серафінай, катэхеткай. Акрамя акцёрскага таленту, удзельнікі батлейкі наблізілі прысутным атмасферу Раства пры дапамозе спеваў і танцаў.
![photo_2022-12-31_10-51-37 (2)](https://www.jezuity.by/wp-content/uploads/2022/12/photo_2022-12-31_10-51-37-2.jpg)
![photo_2022-12-31_10-51-37 (5)](https://www.jezuity.by/wp-content/uploads/2022/12/photo_2022-12-31_10-51-37-5.jpg)
![photo_2022-12-31_10-51-37 (6)](https://www.jezuity.by/wp-content/uploads/2022/12/photo_2022-12-31_10-51-37-6.jpg)
![photo_2022-12-31_10-51-37 (8)](https://www.jezuity.by/wp-content/uploads/2022/12/photo_2022-12-31_10-51-37-8.jpg)
![photo_2022-12-31_11-01-47](https://www.jezuity.by/wp-content/uploads/2022/12/photo_2022-12-31_11-01-47.jpg)