Пра св. Клода дэ Каламб’ера вядома няшмат. Паводле ўспамінаў сучасніка, гэты езуіт вылучаўся шляхетнасцю душы, вострым розумам і здольнасцю выказвацца вытанчана і выразна.

У семнаццацігадовым узросце Клод уступіў у Таварыства Езуса. Атрымаў тэалагічную адукацыю ў Парыжы, прыняў святарскае пасвячэнне і пераехаў у Ліён, дзе займаўся выкладчыцкай працай, а таксама прапаведваў у некалькіх кангрэгацыях.

У гэты ж час ён стаў духоўным айцом у кляштары, дзе жыла св. Маргарыта Марыя Алакок. Пасля размовы з ёй і вывучэння аповедаў пра аб’яўленні Хрыста, якія яна мела, Клод зрабіў выснову, што яны праўдзівыя. З той пары ён стаў гарачым прыхільнікам культу Найсвяцейшага Сэрца Езуса.

У 1676 годзе Клод быў накіраваны ў Лондан, дзе паважна захварэў. У лютым 1682 года бл. Клод дэ Каламб’ер пакінуў гэты свет. Беатыфікаваны 16 чэрвеня 1929 года Папай Рымскім Піем XI.

Святы Клод дэ Каламб’ер, маліся за нас!

Больш пра гісторыю культу Найсвяцейшага Сэрца Езуса можна прачытаць у артыкуле “Вось Сэрца, якое так моцна палюбіла людзей”