Навучы мяне гэтак, як Ты, глядзець на людзей:
як на Пятра Ты зірнуў пасля ягонага адрачэння,
як наскрозь убачыў сэрца багатага юнака і кожнага вучня.
Я хацеў бы спаткацца з Табой такім,
які Ты па праўдзе ёсць,
бо Твой вобраз змяняе тых,
з кім Ты сустракаешся.
Помніш Яна Хрысціцеля першую сустрэчу з Табой?
А сотнікава пачуццё нявартасці?
А здзіўленне людзей, якія сталі сведкамі цудаў?
Як Ты ўражваў вучняў,
зброд у Аліўным садзе,
Пілата з жонкай,
сотніка ля падножжа крыжа…
Мне б хацелася пачуць і быць уражаным
Тваёй манерай гаварыць,
слухаючы, напрыклад, прамову ў сінагозе Кафарнаума
ці Казанне на гары, дзе Твая аўдыторыя
адчувала, што Ты “вучыш як Той, Хто мае ўладу”.
Выява: Fritz von Uhde “Хрыстус і Нікадэм”
